കുട്ടിക്കൊരു വീട്, നന്മയുള്ള പാഠവുമായി കെ.എസ്.ടി.എ ; തലശ്ശേരി സൗത്ത് ഉപജില്ല കമ്മിറ്റി കോപ്പാലത്ത് നിർമ്മിച്ച വീടിൻ്റെ താക്കോൽദാനം ഞായറാഴ്ച

തലശ്ശേരി സൗത്ത് ഉപജില്ല കമ്മിറ്റി കോപ്പാലത്ത് നിർമ്മിച്ച വീടിൻ്റെ താക്കോൽദാനം ഞായറാഴ്ച

Also read: തളിപ്പറമ്പിൽ സ്വകാര്യ ബസ്സുകൾ കൂട്ടിയിടിച്ചു ; 30 പേർക്ക് പരിക്ക്

മുൻ ആരോഗ്യ മന്ത്രി കെ.കെ. ശൈലജ ടീച്ചർ എം.എൽ.എ. വീടിന്റെ താക്കോൽ കൈമാറുമെന്ന് സംഘടനാ ഭാരവാഹികൾ വാർത്താ സമ്മേളനത്തിൽ അറിയിച്ചു. അദ്ധ്യാപക സമൂഹം അഭിമുഖീകരിക്കുന്ന അക്കാദമിക് പ്രശ്നങ്ങളിൽ ഇടപെടുന്നതോടൊപ്പം നാടിന്റെ പ്രയാസങ്ങളിലും പ്രതിസന്ധികളിലും  കൂടെ നിന്ന് പരിഹാരം കാണുന്നതിന്റെ ഭാഗമായാണ് സംഘടന മുൻകൈയ്യെടുത്ത് കേരളത്തിലെ 14 ജില്ലകളിലും കുട്ടിക്കൊരു വീട് പദ്ധതി നടപ്പാക്കിയതെന്ന് സംസ്ഥാന വൈസ് പ്രസിഡണ്ട് എ.കെ ബീന പറഞ്ഞു.

കോപ്പാലത്തെ വീട് നിർമ്മാണത്തിന് കെ.എസ്. ടി.എ. പ്രവർത്തകർക്കൊപ്പം നാട്ടുകാരുടെയും  വിവിധ തൊഴിലാളി യൂനിയനുകളുടെയും  സഹായം ലഭിച്ചതായും  ഭാരവാഹികൾ അറിയിച്ചു.

Also read: പെരുന്നാൾ വിപണി പൊള്ളുന്നു ; പച്ചക്കറിക്കും, മീനിനും, ബീഫിനും പൊന്നും വില

വീടിന്റെ തേപ്പുപണികൾ സൗജന്യമായി ഏറെറടുത്തു ചെയ്തു തീർത്തത് കൺസ്ട്രക്ഷൻ വർക്കേഴ്സ് യൂനിയനും, ഇലക്ടിക്കൽ ജോലികൾ ചെയ്തത് വയറിംഗ് തൊഴിലാളികളുമാണ്.

പെയിന്റിംഗ് ഉൾപെടെ നടത്തിയ തൊഴിലാളികൾ വേതനം പൂർണ്ണമായി വാങ്ങാതെയാണ് പ്രവൃത്തികൾ പൂർത്തിയാക്കിയത്.

Also read: കുവൈത്ത് അപകടം ദൗര്‍ഭാഗ്യകരം; ഞങ്ങളുടെ ഭാഗത്ത് തെറ്റില്ല, ഉത്തരവാദിത്തത്തിൽ നിന്ന് ഒഴിയില്ല: കെജി എബ്രഹാം

വാർത്താ സമ്മേളനത്തിൽ കെ.പി. സുധാകരൻ, സി. ജാഫർ, ടി.വി. സഖീഷ്, പി.പി.ഗംഗാധരൻ, വി.പി. വിജേഷ്, സി. എച്ച്. സിദ്ധിഖ്, സി.റിയാസ് എന്നിവരും വാർത്താ സമ്മേളനത്തിൽ സംബന്ധിച്ചു.

A home for a child, KSTA with a good lesson; Thalassery South Upazila Committee handed over the keys to the house built at Kopalam on Sunday